3. Body Check

1922

第一，人人body check日子都唔一樣，但好似你全部同事（入職好多年）都會係同一地方做 body check，唔知政府同個間 body check公司簽左幾長約。

第二，有人入職前會被安排 body check，有人入職後，body check 日期同你入職日期息息相關。（以本人經歷為準）例：1號check，1號入職／1號入職，1號check

第三，body check 前請不要去廁所，因為要驗尿！body check當日見到有人去唔到，我遲過佢到，早過佢走，想 check 完快啲走就唔該自己醒目。

第四，body check時間大約50分鐘

第五，大概兩個月後收 PR 信話 Pass

body check內容同我睇過其他blog寫嘅冇咩分別，唔寫喇，大概就係填問卷、驗尿、度高／磅重，驗眼驗肺⋯⋯

之後會講下：
1. 工作上你會遇到咩人，
2. 考呢個試同個個試有咩唔同，中、英、邏輯、JRE、幾種打字/電腦、畫嘢都考過......先此聲明考過唔代表成功入職
3. 政府vs私人公司有幾唔同

2. A4 啡色公文袋 香港政府公函

2002
以我自己個case做例子，唔單止apply公務員一次，每次（不同）部門約做test（體能又好，written test又好，skill test，interview都好）都係email通知，次次一樣都係約你3星期後（例如：1號星期一send email約你22號星期一）。

由交GF 340 到收 Offer of Appointment Email，一年左右。真係個個人唔同，不過體能測試最快send email約你做，兩個月內，其他一概兩個月以上。

Day 1收email，Day 2收公文袋，公文袋內文件日期為Day 1，並要求你Day 11或之前回覆Offer of Appointment（to reply on or before DATE），兩個選項：accept 定 decline，記得要✔，✔完先寫日期同通知期。

Day 4早上寄出及fax copy，下午打電話通知有關部門（Day 1電郵內及Day 2公文袋內均有電話號碼），睇你遇著邊種公務員，有啲搵到會打比你，有啲搵唔到會打比你。

公文袋內容有幾份嘢，
1。要寄回嗰張 Offer of Appointment
2。部門阿頭親筆簽名信（唔知佢一日要簽幾多個名），講基本薪酬，工作時數，你份工要求你做咩，MPF，試用期，基本上重複翻你係網上面睇到嘅所有公開資料，再detail少少refer 返第3點
3。好大疊個份，70+頁，講防止賄賂佔咗一半，其他基本都係勞工法，真係冇詳細睇。想知嘅話留言話我知，盡人事。

順住落去，下篇會講 Body check

1. 開始 Offer of Appointment Email

0427
前幾天，收到 Offer of Appointment Email，就這樣，我今晚瞓唔著，胡思亂想之下，開咗呢個blog，希望可以為對公務員日常工作有興趣、好奇、或者想入行嘅各位講下我嘅生活，政府內部所見所聞，等大家了解多啲，知道係政府入面服務各位嘅真實情況係點？點解處理我個case要咁耐？等等，不定時會回答visitors問題

事先聲明，亦提醒我自己：

1。無論如何都唔會提及部門名稱、職位、姓名，全以ABC君代表

2。會在事情發生後一段時間（未知幾耐，視乎事情大小）發post

3。本人並冇任何宗教信仰，但尊重各種belief，本人不會在此blog宣傳任何政治立場，對時事題目只作討論，但本人不會充當傳媒的角色，亦無能為力平衡各方論點，如有偏頗，皆因本人為有血有肉之軀。提醒：此為personal blog

4。為免侵犯版權，本blog盡量用文字表達

？。聲明項數隨時增加